झापा । झापाको कनकाई नगरपालिकाको आयोजनामा जिल्ला अन्तरपालिका स्तरीय कर्मचारी फुटबल प्रतियोगिता २०८३ सञ्चालन हुने भएको छ। प्रतियोगिताको खेलतालिका सार्वजनिक गरिएको छ। ‘स्वस्थ कर्मचारी, समृद्ध पालिका, समृद्ध समाज’ भन्ने नारासहित आयोजना हुने प्रतियोगिता २०८३ कात्तिक १३ देखि १८ गतेसम्म सञ्चालन हुने खेलतालिकामा उल्लेख छ। प्रतियोगितामा झापाका विभिन्न स्थानीय तहका कर्मचारी टोलीले प्रतिस्पर्धा गर्नेछन्। सार्वजनिक खेलतालिकाअनुसार प्रतियोगिताको पहिलो दिन कात्तिक १३ गते कनकाई र गौरादहबीच बिहान ११ बजे तथा बाह्रदशी र बुद्धशान्तिबीच दिउँसो ३ बजे खेल हुनेछ। कात्तिक १४ गते कमल र अर्जुनधाराबीच बिहान ८:३० बजे तथा हल्दिबारी र दमकबीच बिहान ९:३० बजे प्रतिस्पर्धा हुनेछ। त्यसैगरी, कात्तिक १४ गते मेचीनगर र गौरीगञ्जबीच बिहान ११ बजे तथा झापा गाउँपालिका र कचनकवलबीच दिउँसो ३:३० बजे खेल तालिका राखिएको छ। शिवसताक्षी र भद्रपुरबीच कात्तिक १३ गते दिउँसो १ बजे प्रतिस्पर्धा हुनेछ। बिर्तामोड नगरपालिकाको टोली पनि प्रतियोगितामा सहभागी हुने खेलतालिकामा उल्लेख छ। प्रतियोगिताका क्वार्टरफाइनल खेल कात्तिक १५ गतेदेखि सञ्चालन हुनेछन्। सेमिफाइनल खेल कात्तिक १७ गते र फाइनल खेल कात्तिक १८ गते दिउँसो २ बजे हुने तालिकामा उल्लेख छ। स्थानीय तहका कर्मचारीबीच आपसी सद्भाव, सहकार्य र खेलभावना विकास गर्नुका साथै स्वास्थ्यप्रति जागरूकता बढाउने उद्देश्यले प्रतियोगिता आयोजना गरिएको हो। प्रतियोगिताले पालिकाबीचको सम्बन्ध सुदृढ बनाउन र कर्मचारीलाई खेलकुदमा सक्रिय बनाउन सहयोग पुग्ने अपेक्षा गरिएको छ।