झापा / शिवसताक्षी नगरपालिका वडा नं. ६ ले कृषकमुखी कार्यक्रममार्फत कृषकहरूको जीवनस्तर उकास्ने उद्देश्यसहित सुपारीका विरुवा तथा स्प्रे ट्याङ्की वितरण गरेको छ । वडा कार्यालयले चालू आर्थिक वर्षको नीति तथा कार्यक्रममा समेटेर कृषिमा प्रविधिको पहुँच वृद्धि गर्न तथा दीर्घकालीन आयआर्जन सुनिश्चित गर्न यो कार्यक्रम सञ्चालन गरेको हो । आर्थिक वर्ष २०८१/०८२ का लागि कृषकहरुलाई निवेदन माग गरी प्राप्त सत प्रतिसत कृषकलाई स्प्रे ट्याङ्की वितरण गरेको वडा अध्यक्ष मनोज खुलाल कार्कीले बताउनुभयो । वडा नं. ६ का अध्यक्ष मनोज खुलाल कार्कीको नेतृत्वमा आयोजित कार्यक्रममा “हराभरा सुपारी पकेट कार्यक्रम“ अन्तर्गत एक लाख रुपैयाँको बजेटमा २,२०५ वटा सुपारीका विरुवा वितरण गरिएको छ । जसमा थप १५ सय सुपारीका बिरुवाका लागि स्थानिय समाजसेवीहरुले सहयोग गर पश्चात करिव ३५ सय विरुवा वितरण गरिएको छ । यस कार्यक्रमलाई थप प्रभावकारी बनाउँदै कृषकबाट १० प्रतिशत लागत सहभागिता सुनिश्चित गरिएको छ, जसले कृषकमा स्वामित्वको भावना बढाउने विश्वास गरिएको छ । वडा कार्यालयको स्विकृत कार्यक्रम मार्फत विरुवा र स्प्रे ट्याङ्की वितरण गरिएको वडा सचिव शान्तिराम रिमालले बताउनुभयो । त्यसैगरी, वडाले अर्को महत्त्वपूर्ण कदमस्वरूप कृषकहरूलाई स्प्रे ट्याङ्की वितरण गरेको छ । कुल तीन लाख रुपैयाँको बजेट व्यवस्थापन गरी सञ्चालन गरिएको उक्त कार्यक्रममा कृषकहरूको १५ प्रतिशत लागत सहभागिता रहेको थियो कृषि रोग नियन्त्रण तथा विषादी छर्ने कार्यलाई सरल र प्रभावकारी बनाउने उद्देश्यसहित वितरण गरिएका स्प्रे ट्याङ्कीले कृषकको उत्पादनशीलता वृद्धि हुने अपेक्षा गरिएको छ । शिवसताक्षी नगरपालिका वडा नं. ६ कि स्थानिय कमला बस्नेतले खुसी ब्यक्त गर्नुभयो । वडा कार्यालय परिसरबाट आयोजित वितरण कार्यक्रममा वडाका जनप्रतिनिधि, कर्मचारी तथा लाभग्राही कृषकहरूको उल्लेख्य उपस्थिति थियो । जनताको आवश्यकतालाई आधार बनाएर नीति तथा कार्यक्रम बनाउने परम्परा वडा अध्यक्ष कार्कीले पहिलो कार्यकालदेखि नै अपनाउँदै आउनुभएको छ । नागरिकको चाहना र सुझावलाई प्राथमिकता दिँदै कार्यक्रम निर्माण गर्दै लागु गर्न सफल वडा नं. ६ मा कसैको व्यक्तिगत स्वार्थ देखिदैन । वडा कार्यालयले सञ्चालन गरेका कार्यक्रमहरु प्रत्यक्ष कृषक लाभान्वित हुने तवरले सञ्चालन गरेकोमा आम नागरिकको भावना अनुसार कार्य भएको स्थानिय समाजसेवी सिताराम भेट्वालले बताउनुभयो । अध्यक्ष कार्की दोश्रो कार्यकालमा समेत लोकप्रिय जनप्रतिनिधिका रूपमा स्थापित हुँदै आएका छन् । हरेक वर्ष सञ्चालन गरिने जनमुखी कार्यक्रमहरू, कृषिमा अनुदान, शिक्षा तथा स्वास्थ्य क्षेत्रमा पहुँच विस्तार, सडक सुधारजस्ता कामका कारण उनी आमनागरिकको मन जित्न सफल भएको स्थानीयहरूको भनाइ छ । शिवसताक्षी नगरपालिका वडा नं. ६ का अध्यक्ष कार्कीले स्वार्थभन्दा माथि उठेर जनताको हितमा कार्यक्रम सञ्चालन गर्दै लोकप्रियता बढाइरहनु भएको छ । जसमा स्थानिय कृषक लोकनाथ अधिकारीले खुसी ब्यक्त गर्नुभयो । वडा कार्यालयले आगामी वर्षहरूमा थप नविन तथा व्यावसायिक कृषि प्रविधि भित्राउने तयारी गरेको छ । कृषकलाई आत्मनिर्भर बनाउने दीर्घकालीन लक्ष्यअनुसार बजेट विनियोजन र कार्यक्रमहरू तयार हुँदा शिवसताक्षी ६ का स्थानिय गंगाबहादुर रेग्मीले जस्ता कृषकहरु खुसी हुनुन्छ । यस वर्षको कार्यक्रमबाट लाभान्वित भएका कृषकहरूले पनि उत्साहजनक प्रतिक्रिया दिएका छन् । वडाले सञ्चालन गरेका साना किसानका लागि बिभिन्न सहयोग कार्यक्रमहरु बहुमुल्य रहेका देखिन्छन् । स्थानीय तहको विकासको मेरुदण्ड नै कृषिमा आत्मनिर्भरता हो भन्ने सन्देश दिन शिवसताक्षी–६ का यी कार्यक्रमहरू उदाहरणीय बनेकाछन् । शिवसताक्षी नगरपालिका वडा नं. ६ ले जनप्रतिनिधिहरूले कसरी जिम्मेवारीपूर्वक काम गर्न सकिन्छ भन्ने उदाहरण प्रस्तुत गरेको छ । स्थानीय सरकारको यस्ता प्रयासले समृद्ध समाजको परिकल्पना साकार हुन सक्ने आशा गरिएको छ ।