झापा/ झापाको बुद्धशान्ति गाउँपालिले सेनिटरी प्याड डिस्पोजल मेसीन वितरण गरेको छ । गाउँपालिका खरिद गरेर ७ थान मेसिन वितरण गरेको हो ।
गाउँपालिका भित्र सञ्चालित एक मात्र बहुमुखी क्याम्पस सीतारमेश बहुमुखी क्याम्पसमा एक कार्यक्रमको आयोजना गरेर उक्त मेसिन वितरण गरेको गाउँपालिकाले जनाएको छ ।
सीतारमेश बहुमुखी क्याम्पस लाई २ थान, सामुदायिक विद्यालय अन्तरगत श्री बुद्धआदर्श मा.वि, श्री आदर्श मा.वि र श्री गडिगाउँ मा.वि.मा रहने गरि वितरण गरिएको गाउँपालिका अध्यक्ष मनोज प्रसाईका स्वकिय सचिव गोकुल पौडेलले जानकारी दिनुभयो ।
विद्यालयहरुले आवश्यकता अनुसार पालैपालो प्रयोग गर्न मिल्ने गरि १–१ थान गरि ३ थान र निजी विद्यालयमा रहने गरि प्याब्सन बुद्धशान्ति लाई २ थान सेनिटरी प्याड डिस्पोजल मेसीज हस्तान्तरण गरिएको छ ।
यस बाट क्याम्पस तथा विद्यालयमा अध्ययनरत छात्राहरुले प्रयोग गरे पश्चात् सेनिटरी प्याड डिस्पोज गर्न सहज हुने गाउँपालिका अध्यक्ष मनोज प्रसाईले बताउनुभयो ।
