झापा/ झापाको बुद्धशान्तिमा प्रथम बुद्धशान्ति गाउँपालिका वडा स्तरिय टि –१० पुरुष क्रिकेट प्रतियोगिताको हुने भएको छ । बुद्धशान्ति गाउँपालिका खेलकुद विकास समितिको संयोजन तथा वडा नं ३ खेलकुद विकास समितिको आयोजनामा यहि मंसिर १३ गते देखी १५ गते सम्म प्रतियोगिता संचालन हुने भएको हो । बुद्धशान्ति गाउँपालिका भित्रका ७ वटै वडाको टिम सहभागिता हुने प्रतियोगितामा विजेताले नगद रु २० हजार मेडल, ट्रफी, प्रमाणपत्र पाउनेछ भने उपविजेताले नगद १० हजार, मेडल, ट्रफी, प्रमाणपत्र पाउने बुद्धशान्ति गाउँपालिका वडा नं ३ का खेलकुद विकास समिति अध्यक्ष विनोद नेम्वाङले बताउनुभयो । बुद्धशान्ति गाउँपालिका वडा नं. ३ मा रहेको खुला मैदानमा हुने प्रतियोगिताका लागि मैदान ब्यवस्थापनसँगै तयारी गर्ने काम भईसकेको वडा नं ३ का खेलकुद विकास समितिका सदस्य आदी हाङ फागोले जानकारी दिनु भयो । १३ गते उद्घाटन हुने प्रतियोगिताको पहिलो खेलमा पोल ब् अन्तर्गत वडा नं १ र वडा नं २ को सामना गर्नेछ भने दोस्रो खेलमा पोल द्य अन्तर्गत वडा नं ३ र वडा नं ४ को खेल सहजकर्ता गोकुल पौडेलले बताउनु भयो । प्रतियोगिताको प्रतेक खेलको म्यान अफद म्याच लाई नगद रू १ हजार,उत्कृष्ट ब्याट्समेन लाई नगद रू ३ हजार प्रतियोगिताको उत्कृष्ट बलरका लागि ३ हजार त्यस्तै प्रतियोगिताको फेयरप्ले अवाड पुरस्कार ट्रफि र प्रमाणपत्र प्राप्त गर्ने छ भने प्रतियोगिताको उत्कृष्ट क्याचले नगद रू १ हजार मेडल र प्रमाणपत्र पाउने आयोजक समितिका सचिब गोविन्द लेप्चाले बताउनु भयो । बुद्धशान्ति गाउँपालिकाको आर्थिक सहयोगमा सन्चालन हुने प्रतियोगिताले युवाहरुलाई खेलकुदको माध्यमबाट शारीरिक तथा मानसिक रुपमा स्वस्थ राख्न पालिकाले विभिन्न खेलकुदहरूको आयोजना गर्दै आएको बताउदै क्रिकेटको विकासका लागि वडास्तरीय प्रतियोगिता आयोजना गर्न लागिएको वडा नं ३ का वडा अध्यक्ष पर्शुराम चेम्जोङले बताउनु भयो । बुद्धशान्ति गाउँपालिकाले खेल जगतमा नयाँ आयाम थप्ने गरिका कार्यक्रमहरु आयोजना गरिरहेको छ । जस्ले नयाँ पुस्ताका युवाहरुलाई खेल जगतमा आकर्षित मात्र गरेको छैन, खेलकुद विकासका क्षेत्रमा युवाहरुलाई गरेको सम्बोधन प्रशंसनिय रहेको छ ।