झापा\ झापाको बुद्वशान्तिमा बैशाख १५ गतेदेखि तेस्रो आदर्श च्यालेञ्ज कप फुटबल प्रतियोगिता आयोजना हुने भएको छ । आदर्श युवा क्लब बुद्धशान्ति को आयोजनामा सञ्चालन हुने प्रतियोगितामा नेपाल र भारतका गरि आठ ओटा टिमको सहभागिता रहने आयोजकले जनाएको छ । सञ्चारकर्मीको राय माग गर्न पत्रकार भेटघाटको कार्यक्रम आयोजना गरिएको क्लबका अध्यक्ष मात्रीका श्रेष्ठले जनाकारी दिनुभयो । प्रतियोगिता बुद्धशान्ति गाउँपालिकामा रहेको नमुना बिद्यालय बुद्धआदर्श माविको खेल मैदानमा आयोजना गरिने जनाईको छ । बिद्यालयको शैक्षिक वर्षको अन्त्य भएर बिद्यालय भर्नाको कार्यक्रम सञ्चालन हुने समय सुरु हुनै लागेको छ । प्रतियोगिताले बिद्यार्थिहरुका लागि पनि सिकाई हुने साथै बिद्यार्थिको पढाइमा कुनै पनि असर नहुने गरि आयोजना गरिएको बिद्यालय ब्यवस्थापन समितिका अध्यक्ष मनोरथ तिवारीले जानकारी दिनुभयो । २०७० सालमा सुरु भएको प्रतियोगिताको २०७१ सालमा दोस्रो संस्करण भएको थियो । दोस्रो संस्करणपछि स्थगित प्रतियोगिता यो बर्ष तेस्रो पटक प्रतियोगिता हुन लागेको हो । प्रतियोगिता भब्यरुपमा सम्पन्न हुने झापा जिल्ला फुटबल संघका अध्यक्ष भगिरथ आले मगरले बताउनु भयो । प्रतियोगिताको बिजेताले नगद २ लाख, उपबिजेताले १ लाख ट्रफी र मेडल पाउने छन । प्रत्येक खेलको म्यान अफ द म्याच हुने खेलाडीले नगद ३ हजार रुपैया पुरस्कार पाउने छन् । बिभिन्न बिधका खेलहरु सम्पन्न गरेको आदर्श युवा क्लबले खेल क्षेत्रमा महत्वपूर्ण योगदान पुर्याएको वडा अध्यक्ष पर्शुराम चेम्जोङले बताउनु भयो । प्रतियोगितामा फाईनल खेलका उत्कृष्ठ गोलरक्षक, डिफेण्डर, मिडफिल्डर, स्ट्राइकर र उदियमान खेलाडीले जनही ५ हजार रुपैया पुरस्कार पाउने छन् । प्रतियोगितामा २२ लाख ५० हजार रुपैया खर्च हुने अनुमान गरिएको आयोजक क्लबका नि बर्तमान अध्यक्ष मनेष दाहालले जानकारी दिनुभयो । प्रतियोगितालाई भब्य बनाउन हरेक दिन सांस्कृतिक कार्यक्रम, विभिन्न जात जातीका झाँकी प्रदर्शन गरिने तयारी रहेको आयोजक समितिले जनाएको छ । क्लबका निकर्तमान अध्यक्ष मनेश दाहालको अध्यक्षतामा सम्पन्न भएको कार्यक्रम संस्थाका सचिव दुर्योधन सिंह (देव) ले सञ्चालन गर्नु भएको थियो ।