शुक्रबार सम्पन्न पहिलो सेमीफाइनल खेलमा सशस्त्र प्रहरीको एपिएफ एफसीसंग १-० गोल अन्तरले पराजय व्यहोर्दै आर्मी प्रतियोगिताबाट बाहिरिएको हो ।
बिर्तामोडस्थित डोमालाल राजवंशी रंगशालामा भएको प्रतिस्पर्धामा ‘अन-गोल’ लागेको थियो । खेलको ६९ औं मिनेटमा लागेको त्यो गोल निर्णायक हुन पुग्यो । शुक्रबारको जितसँगै एपिएफले कम्तिमा ७ लाख रुपैयाँ पुरस्कार सुरक्षित गरेको छ ।
पहिलो हाफसम्म खेल बराबरीमा रहे पनि दोस्रो हाफमा दुवै टिमबाट आक्रामक प्रहारहरू भएका थिए ।
शनिबार दोस्रो सेमीफाइनल खेल घरेलु टिम झापा ११ र चर्च ब्वाइजबीच हुनेछ ।
प्रतियोगिताको विजेताले १३ लाख रुपैयाँ नगद र आकर्षक ट्रफी पाउनेछ । उपविजेताले ७ लाख रुपैयाँमा चित्त बुझाउनेछ ।
फागुन १९ गतेदेखि सुरु भएको प्रतियोगिताको फाइनल खेल फागुन २८ गते हुनेछ ।
मङ्गलवार, कार्तिक १३, २०८१
