झापाको विर्तामोड नगरपालिकामा कृयाशिल उर्जाशील रामधुनि आमा समूहले शिवसताक्षी नगरपालिकामा पर्ने सतासिधाममा गौ आहार वितरण गरेको छ । २०८० सालको शुभदिपावलीमा देउसी भैलो खोलेर जम्मा भएको रकम वाट आमा समूहले गौ आहार खरिद गरेर वितरण गरेको हो । गौ रक्षाको लागि आमा समूहले गरेको योगदानको प्रशंसा गर्दै विर्तामोड साना शहरी खानेपानि तथा सरसफाई उपभोक्ता संस्थाका अध्यक्ष मेघराज वास्तोलाले यस प्रकारको सहयोगमा निरन्तर लागि रहन आमा समूहलाई सुझाव दिनुभयो । शिवसताक्षी नगरपालिका वडा नं. ११ मा पर्ने सतासी धाम पूर्वकै प्रशिद्ध धार्मिक पर्यटकीय साथै तिर्थस्थलका रुपामा परिचित छ । विगत ७ बर्ष देखि यस पवित्र भूमीमा गौमाताहरुको संरक्षण हुदै आएको छ । गौशालामा रहेका गाईहरुको सेवाका लागि सहयोग गरेको उर्जाशील रामधुनी आमा समूहकी अध्यक्ष गंगा शिवाकोटी ढकालले गाई विषेसत हिन्दुहरुको आस्थासँग जोडिएको हुँदा जन्म देखि मृत्यु पर्यन्त गाईको महत्व रहेको बताउनुभयो । विभिन्न दाताहरुको स्नेह र सहयोगवाट करिव ५ सय गाईहरु यस पावन भूमीमा संरक्षण गरिएको छ । जस्ले गर्दा यो क्षेत्र गौ संरक्षणका दृष्टिले नेपालकै ठुलो गौशाला भएको क्षेत्रको रुपमा परिचित छ ।रामधुनी आमा समुहले प्रदान गरेको सहयोगमा पराल एक ट्रयाक्टर, चोकर, नुन साथै रोटी र फलफुल रहेको थियो । महिनाको १२ देखि १५ लाख सम्मको खर्च यस गौशालामा हुने गरेको आचार्य पण्डित मदन मोहन अधिकारीले जानकारी दिनुभयो । उर्जाशील रामधुनी आमा समूहले एक औपचारीक कार्यक्रमको आयोजना गरेर गौ आहार वितरण गरिएको थियो । साथै गौ रक्षका लागि आमा समूह द्वारा रु ११ सय नगद समेत सहयोग गरेको छ । गौ आहार वितरण कार्यक्रमको संयोजकमा संस्थाकी सदस्य समृद्धि लुइटेल थापा, सह सम्योजक दिपा प्रसाई सहनुभएको प्रमुख अतिथि आचार्य पण्डित मदन मोहन अधिकारी रहनुभएको थियो । संस्थाकी सचिव टिका प्रसाईले सञ्चालन गरेको कार्यक्रम लाई संस्थाकी सदस्य मनिता खुलालले स्वागत गर्नु भएको थियो ।