झापाको विर्तामोडमा उज्यालो परिवर्तन समाज नेपाल नामक गैरनाफामूलक सामाजिक संस्था स्थापना भएको छ । शनिबार एक कार्यक्रमको आयोजना गरेर संस्था प्रारम्भ भएको घोषणा भएको हो । झापाको विर्तामोड नगरपालिका वडा नं. ५ मा मुख्य कार्यालय रहेर सामाजिक विकास र उन्नतिका लागि संस्थाले भूमिका खेल्ने जनाइएको छ । संस्थाको अध्यक्षमा रामप्रसाद मैनाली, उपाध्यक्ष रमेश घिमिरे, सचिव पुष्प पाठक, सहसचिव कुमारसिंह थलङ लिम्बु, कोषाध्यक्ष लिला श्रेष्ठ, सदस्यहरु रमाकान्त देव र मन्दिरा गौतम रहेको ७ सदस्सिय कार्यसमितिसँगै संस्थाका ७ सदस्सिय सल्लाहकार समितिको समेत सार्वजनिक गरिएको छ । जस अन्तर्गत समाजसेवी सुभाष भट्टराई, विर्तामोड ५ का अध्यक्ष रोहित प्रसाई, वडा नं. ४ का अध्यक्ष राहुल शर्मा, वडा नं. २ का अध्यक्ष किसोर पौडेल, प्रेम अधिकारी, समाजसेवी शैलेन्द्र सिटौला, समाजसेवी आशिष वन रहेका छन् । समाजमा व्याप्त कुसंस्कारको अन्त्य गर्दै समुन्नत समाज निर्माणका लागि संस्थाले कार्य गर्ने जनाइएको छ । झापा जिल्लाका विभिन्न पालिकाहरुवाट प्रतिनिधित्व गर्दै निर्माण गरिएको कार्य समितिवाट हाललाई जिल्लाका १५ वटै स्थानीय तहहरुमा सामाजिक गतिविधिहरु सञ्चालन गर्ने संस्थाले जनाएको छ । जस अन्तर्गत संस्था जिल्ला प्रसासन कार्यालय झापामा आधिकारीक रुपमा दर्ता सम्पन्न गरेपछि पहिलो पटक जिल्ला कारागार झापाका कैदीवन्दीहरुको स्वास्थ्य परिक्षण कार्यक्रमको आयोजना गरिने समेत जनाइएको छ । कार्याक्रममा संस्थाका पदादिकारीहरुलाई प्रमाणपत्र वितरण साथै सल्लाहकारबाट शपथ ग्रहण गराइएको थियो । संस्थाका अध्यक्ष रामप्रसाद मैनालीले अध्यक्षता भएको कार्यक्रमको सञ्चालन संस्थाका सचिव पुष्प पाठकले गर्नु भएको थियो ।