२०७९ बैशाख १६/सत्तारुढ गठबन्धनले अन्य दलहरुसंग भएको चूनावी तालमेल तत्काल खारेज गर्ने निर्णय गरेको छ । प्रधानमन्त्री निबास बालुवाटारमा शुक्रबार बसेको बैठकले पाँच दलीय गठबन्धन भन्दा बाहिर अन्य दलहरुसंग भएको तालमेल तत्काल खारेज गर्ने र तालमेल खारेज नगरे सम्बन्धीत दलले तत्काल कारवाही गर्ने निर्णय गरेको हो ।त्यस्तै गठबन्धनबीच भएको सहमति बिपरित बिभिन्न दलका प्रतिनिधिहरु स्वतन्त्र रुपमा दर्ता गरेका उम्मेदवारीहरु तत्काल फिर्ता गर्न पहल गर्ने निर्णय गरिएको छ । बैठकले पाँच दलीय गठबन्धनबीच यसअघि केन्द्रबाट भएको सहमति अनुसार ६ महानगर र ११ उपमहानगका प्रमुख र उपप्रमुख पदमा भएको सहमति बिपरित गठबन्धन दलबाट भएका उम्मेद्वारीहरु तत्काल फिर्ता लिने निर्णय गरेको छ ।