२०७८ फागुन २४ / प्रधानमन्त्री तथा नेपाली कांग्रेसका सभापति शेरबहादुर देउवाले स्थानीय तहको निर्वाचनको तयारीमा खट्न निर्देशन दिनुभएको छ । मंगलबार सानेपामा बसेको उपलब्ध केन्द्रीय सदस्यहरुको बैठकमा देउवाले कांग्रेसले सञ्चालन गर्ने चुनाव प्रचार अभियानमा जुट्न निर्देशन दिनुभएको हो ।देउवाले स्थानीय तह निर्वाचन केन्द्रित घरदैलो अभियान सञ्चालनमा क्रियाशिल हुन आवश्यक निर्देशन दिनुभएको कांग्रेस नेता मोहन बस्नेतले जानकारी दिनुभयो । नेता बस्नेतले कांग्रेसले मात्रै जनता र देशका लागि इमान्दारीपूर्वक काम गर्ने प्रभाव मुलुकभर परेको दावी गर्नुभयो । कांग्रेसले २९ फागुनदेखि एक महिनासम्म देशभर चुनाव प्रचार अभियान सञ्चालन गर्ने निर्णय गरिसकेको छ ।
शनिवार, मंसिर ८, २०८१
